Napudno, Translation of Faithfully by Journey

Standard

Maysa kadagiti karirigatan a parte ti panagiyulog ket ti panagiyulog iti lyrics ti maysa a kanta nga addaanen iti musika. Addan dagiti naiyulog ‘toy numo, kas ti The Prayer, You Raise Me Up, ken adu a klasikal a kanta a pangdaydayaw iti Namarsua. Kadagitoy a padas ket ti maysa a karit–a kankanayon met a karit: kasano a tiliwem ti annayas ti musika nga aggapu iti liriko nga Ingles tapno iyallatiwmo iti pagsasao nga Ilokano a dimo perdien ti annayas dayta a musika. Ti umuna a pakarikutan ket ti panangbigbig nga awan unay waya ti mannurat nga agiyallatiw gapu ta saan nga agpada ti kaatiddog ken panaggaraw dagiti balikas manipud iti Ingles agtunda iti Ilokano: at-atiddog nga amang dagiti balikas nga Ilokano ngem kadagiti Ingles. Isu a daytoy ti maysa a pakaburiburan ti ulo no agipatarustayo nga addaan iti datin a musika ti ipatarus. Isu a matda nga agkamkamat kadagiti termino ti para-iyulog tapno laeng saan a maperdi ti patarus. 

 

Adda maysa a drama nakaawisak nga mangipatarus iti Ilokano ken Tagalog kadagiti sinnungbat da Aguinaldo ken dagiti buyotna, mairaman ni Artemio Ricarte, ti makunkuna a Vibora. Kastoy met ti nagbalin a problemak: ta musical drama daytoy a maat-atur ket no di agkibaltang, baka maiyentabladonton idiay Filipinas ken iti ballasiw-taaw. Saantay pay nga ibagbaga no ania daytoy, baka mapitutan. 

 

 

Kastoy ngarud ti solusionka iti “Faithfully” a kanta ti maysa a banda, ti Journey a pagkankantaan itan ni Arnel Pineda, maysa a Filipino.

 

Agtaray

Iti agmatuon

Uddog nga uddog

Is-isipenka

Di makaidna

Maturog a sisiak

Ayat ipatulod

Iti arpad

 

Ibagada a ti walang

Di pagfamiliaan

Ngem addaka

Sika latta ken siak

Kumakanta nga ayat

Di met kanayon nga agparbeng 

Ngem addaka kaniak

Ayatnak, napudno

 

Biag sirkus

Pantok ti lubong

Tapno umisem

‘Ti lugar ken tiempo

Parang manen a sabali

Birokem ayanko

Mayaw-awan

 

Rigat panagaddayo

Daytoy nga ayat

Dua nga estranghero agpimpinnateg

Agragsakak

Makitaka manen

Ayatko, kaduaennak

Ayatnak, sipupudno

 

Oh, oh, oh, oh

Napudno, ayatnak

Agnanayon

Ayatnak, napudno

 

A S Agcaoili/Feb 28/09

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s