Mensahe para iti Cabugao International

Standard

ILOKANO LANGUAGE AND LITERATURE PROGRAM

Universidad ti Hawai’i iti Manoa

455 A Spalding Hall, 2540 Maile Way

Honolulu, HI 96822

Tel. 808 956 8404

 

KABLAAW

 

Maysa a pakaidayawan ti panangkablaawko iti Cabugao International iti panangrambakyo manen iti sagrado a panagkakammayetyo.

 

Kadagiti kapada nga Ilokano a kadagiti sabali a pagilian a naisadsad, ammotayo ti pakasaritaan dagiti rikna nga agbirbirok a kankanayon iti komunidad, daytoy purok ken lugar ken pannakikadua kadagiti kailian tapno iti kasta ket manen ken manen, mapartuat ken mapaadda dagiti nagkauna a lagip a mangbitbitibit iti kinaasinnotayo.

 

Dagitoy a nagkauna a lagip—laglagip a rangrangtay ti pagsasao ken kulturatayo nga Ilokano—ket isu met laeng ti naindaklan ken nainsagraduan a baul ti kina-Ilokanotayo, nga iti kaso dagiti taga-Cabugao, ket awan sabali no di ti dida pananglipat iti kina-Cabugawenioda.

 

Sinanamatayo nga iti aramid a panangiyalikaka iti dayta a kinaasinno, nga iti obligasion a mapadur-as dayta a komitment ti kinasiudadano

iti nakayanakan a daga, nga iti responsibilidad a mangtaliaw iti naggapuan, daytoy nga adal nga ipakpakita daytoy a panagtitimpuyog dagiti manakman gapu ta nakamurmuray, ken nakamurmuray gapu ta nanakman a kakailian iti deppaarna iti Amianan ket agbalin a pagtuladan dagiti sabali pay nga organisasion iti daytoy nga Estado.

 

Paggaammotayo ti naindaklan a tamingentayo: ti pannakataginayon ti kinaasinnotayo, ti pannakapadur-as kadagiti kultural nga aktividadtayo, ken ti panangpabaro iti moral a rebbengentayo a kas responsable nga anak ti ili a Cabugao.

 

Ngarud, yawatko ti nabara a kablaaw iti daytoy nga organisasion.

 

Buyogan met dayta a kablaaw ti maysa a panamati a dinto mamingga daytoy nga aramid ti organisasionyo a kas simbolo ken pammaneknek iti nabiag a kari iti ili ken kadagiti kailiantayo. Agbiagkayo!

 

(Fdo) Aurelio Solver Agcaoili, Ph.D.

Program Coordinator

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s