MANANG NELLIE & MANONG ERNIE

Standard

MANANG NELLIE &

MANONG ERNIE

 

(Ken Nellie Somera & Ernie Somera, iti panagkasangayda, Noviembre 2008)

 

Iti arinunos dagiti nangina aldaw

Ket ti rugi ti namnamatayo amin

 

Agkasangay met dagiti ragsak

Kas iti panagbuniag dagiti ray-aw

Iti pannakirambak ken kayaw

 

Maiputong ti nabiag a korana kadakayo

Kas panglagip iti panagngilin ken lagip

Iti itatao dagiti darepdep nga iti barukong

Sadiay nga agindeg kadagiti maila

A tagainepmi para kadakayo

 

Agbilangkami kadagiti adu ragsak

A panagullo iti nabunga nga ayat

 

Ket ita nga aldaw, iti panangkablaaw

Kadakayo, awatenyo ti karayo,

Nabungon dagitoy iti ayug ti puso,

Nalasuan kadagiti isem nga isagutmi

Iti pul-oy tapno iti kada sardamyo

Ket ti yepyep ti turog, makapabang-ar

A karayo dagiti idda nga agkarayo

Met kadakayo, agumbi iti nasam-it

A dayyeng, di maungpot ti agnanayon

Kas iti awan labas a kinalabon

Koma kadakayo ti di makaliwat

A mangted iti pannakairanud

Nga agmatuon dagiti agkakabsat a birtud.

 

Iti kastoy nga oras a panangkablaaw

Kadakayo ket ti mangted-ungar

A tarumpingay dagiti araraw.

 

A Solver Agcaoili/GUMIL Hawai’i/Nov. 2008

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s