Sagut a Daniw: Manang Anding

Standard

Manang Anding

 

(Ken Andrea Mendoza, kameng ti GUMIL Hawai’i

iti panagkasangayna, Noviembre 2008)

 

Sika ti kasingin dagiti mangisursuro

A darikmat. Iti kararag dagiti ima a makigamulo

Iti aramid, sadiayka, iti rabii nga agikamakam

Iti arkos a bisti dagiti pluma ken iti padaya

Dagiti ray-a a maikamat iti anek-ektayo amin.

 

Iti madagdagullit a panagsisinnarak

Ket ti pakumusta nga awan ressat,

Ti maisawang a di agkurpa a kas saludsod,

Panagmag-an tapno maamad ti ir-iruken

Kadagiti naamitan a naglabas a pasamak

A ditay nakita ti tumunggal maysa,

Saan a naikabesa dagiti isem nga uray

No bangbangir kas iti tagainep sagpaminsan

Ket umanay nga uulsan iti agur-uray nga agpatnag.

 

Adda dagiti masapul, kunatayo,

Ket iti pananglagip iti kasangaymo

Ket pananglagip met kadagiti kinnadua

A balonenmi a kankanayon iti panaginnaddayo

Tapno agsisinnublitayonto manen.

Iti maar-arakattot a panagkikita manen

Ket ti ipasarbo nga iliw kas iti beggang

Iti dakulap nga iti bannawag ket agbirok

Iti makigumgumil a balikas, sagrado a sao

Maipapan kaes-eskan kakaisuna nga arapaap

Iti masunotanto manen a ramrambak.

 

Aurelio Solver Agcaoili/

GUMIL Hawai’i, Honolulu/Nov. 22/08

One thought on “Sagut a Daniw: Manang Anding

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s