Daniw a Sagut: Manong Benjamin

Standard

Manong Benjamin

 

(Ken Benjamin Somera, kameng ti GUMIL Hawai’i

iti panagkasangayna, Noviembre 2008)

 

Puso iti puso a pinnulapol ti awagda

Iti daytoy a panagkikita saan nga iti linabag

Dagiti sarita iti mata no di iti isip

Ken kammayet iti panunot.

Adu dagiti lagip a kabinnuray

Kas iti pagraranudan no magteng dagiti oras

Ti panaglalanglang, iti dulang

Kas iti langenlangen a nairut iti et-et

Nabara kas iti temtem iti lamiis

A mabalabala kadagiti balikas

Nga ibuksilan iti ringgor man

Wenno iti lansad di managanan nga ulimek.

Sulim ti sulim, kakaen a Benjamin.

Patanorka dagiti nasam-it nga isem

Ti pannakibunggoy dagiti katawa nga ibiat

Aglayag iti baybay kadagiti barukongmi

Dakami a kakaduam kadagiti daniw

A di pay naaramid, di pay nasirmata

Ngem ti paulo amin dagitoy ket kinnabsatan.

Ta kastakami met kenka: agunikami

No madanonan ti batang, kas iti kimat

Nga iti tudo ken bagio ken umay

Nga iti gurruod ket kaludon dagiti wanesnes

Sa ti diklawit ti allawig kadagiti taeng

Ti kararua a sagpaminsan ket manglangan

Iti nasapasap a rinnagsak tapno

Iti maulit a taripnong, sagrapen ti rag-o

Iti barukong kas iti maila nga abrasa ti kabsat.

 

Aurelio Solver Agcaoili/GUMIL Hawai’i, Honolulu/Nov. 22/08

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s