DAKAMI DAGITI ANNAK TI ILOCOS

Standard

(Dramatic choral recitation written for the Ilokano Program/GEAR-Up of Farrington High School and for recital at their school festivity in Nov. 2009, Honolulu, HI)

 

AMIN/ALL:

Dakami dagiti Annak ti Ilocos.

 

Lalaki/ L:

Ditoykami a naisadsad

Ditoy nga ili ti arapaap

 

Babai:/B:

 

Baro a ngayed kas iti baybay

Pakaigapuan adu a linglingay

 

A:

Iti rabii a birokenmit’ tagainep

Mabukel labes salsalikepkep

 

B:

Ta, a, masapul ditoy ti gaget

Kasingin, kabsat, ina baket

Ama, kabagis, ti kinapinget

A bulonan pannakirinnanget

 

L:

Iti man aldaw a panagbannog

Iti agmatuon a panagasug-asog

Iti nalamiis a rabii a ti Ilocos

Namaris nga arapaap di maibus.

 

A:

Isublidakami iti Ilocos

Inkam koma kunaen,

A ngem ta piman ti Ilocos

Nga iti rigat inka sakaen.

 

B:

Mabati kami ngarud iti Kalihi

 

L:

Iti umok ni ayat iti Farrington

Iti pannagibi dagiti arapaami

 

 

 

B:

Iti panagampayag nasam-it a kansion

 

A:

Ta ditoy, iti baro a lugar dagiti darepdep

Ditoy a bangonenmi ti naiwawa a pateg

Ditoy a sangalenmi maris ti tagainep

Ken denggenmi ti ayug a nasam-it.

 

L:

Dakami dagiti annak ti Ilocos

 

B:

Dakami dagiti annak ti Ilocos

 

A:

Ta ditoy, iti baro a lugar dagiti darepdep

Ditoy a bangonenmi ti naiwawa a pateg

Ditoy a sangalenmi maris ti tagainep

Ken denggenmi ti ayug a nasam-it.

 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s